Ухаалаг мал аж ахуйн олон талт хамтын ажиллагааны гол технологийн судалгааны төслийн хурал боллоо

8-р сарын 4-нд Хөлөнбуйр хотын Хайлар дүүрэгт “Ухаалаг мал аж ахуйн олон талт хамтын ажиллагааны гол технологийн судалгаа боловсруулалт болон загварчлан хэрэглэх” төслийн газар дээрх техникийн хураангуй ажил, үзүүлэх ажиглалтын хурал зохион байгуулагдлаа. Энэхүү хурлыг Өвөр Монголын Юнниу тэжээх технологийн ХХК, Бээжин хотын хөдөө аж ахуйн шинжлэх ухааны академийн мэдээллийн технологийн судалгааны төв, Хятадын хөдөө аж ахуйн шинжлэх ухааны академийн хөдөө аж ахуйн нөөц ба хөдөө аж ахуйн бүсчлэлийн судалгааны хүрээлэн, Өвөр Монголын хөдөө аж ахуй, мал аж ахуйн шинжлэх ухааны академи, Өвөр Монголын их сургууль зэрэг олон байгууллага хамтран зохион байгууллаа.

Тус хурал нь Өвөр Монголын өөртөө засах орны шинжлэх ухаан, технологийн чухал төсөл, мөн 2025 оны “Хиймэл оюун ухаан+” урилгаар өрсөлдөх төслийн бэлгэ тэмдэг болох амжилтуудыг төвлөрүүлэн танилцуулж, манай улсын бэлчээрийн мал аж ахуйн тоон оюун ухаанжуулалтын өөрчлөлт чухал алхам хийснийг харууллаа. 

Тал хээрийн нутаг уудам, байгаль орчин төвөгтэй учраас мэдээлэл харилцан тусгаарлагдаж, өгөгдөл тусгаарлагдсан арал шиг болдог хүндрэлийг шийдвэрлэхэд энэхүү төсөл нь суурь онол болон гол технологийн хувьд хоёр дахин томоохон ахиц гаргасан. Төслийн баг нь “бодгали – бүлэг – хүрээлэн буй орчин” хамтын мэдрэхүйн онолыг шинэлэг санаа болгон дэвшүүлж, нисгэгчгүй онгоцны тандалт, зүүж суурилуулсан мэдрэгч, өндөр нарийвчлалтай харааны хяналтыг гүнзгий нэгтгэсэн. Олон төрлийн мэдрэхүйн хэлбэрийн мэдээллийг эрээн дамнан мэдрэх, алдагдалгүй нэгтгэх механизмыг даван туулж, мал сүргийн бие бялдрын эрүүл мэнд, бүлгийн тархалт, бэлчээрийн экологийн орчны бүх үе шатны өгөгдлийн холбоосыг амжилттай нээж, уламжлалт “туршлагад тулгуурласан” удирдлагын загварыг өөрчлөхөд технологийн дэмжлэг үзүүлсэн.

Энэхүү дижитал шийдлийн багц нь одоогоор Өвөр Монголын Баяннуур, Хөлөнбуйр, Шилийн гол зэрэг үзүүлэн харуулах мал аж ахуйн фермд тогтвортой нэвтэрч, үндэслэж эхэлсэн бөгөөд 100 мянга гаруй толгой мал, хонинд хамрах, нөлөөлөх төлөвтэй байна. Төсөл нь технологийн хүчээр шийдвэр гаргалтыг жолоодож, бэлчээрийн мал аж ахуйн нарийвчлалт түвшин болон экологийн үр ашгийг эрс дээшлүүлснээр, Хятадын ухаалаг мал аж ахуйн өндөр чанартай хөгжилд шинэ алсын харааг бий болгож өгсөн.
Эх сурвалж: Хөлөнбуйр хотын Хам зуучлуурын төвийн Бүрэнбаяр, Гялбаа, Цэнгэл, Цэлгэр