“Дорнод” зон сэтгүүлийн редакци “Хэрлэн” сэтгүүлийг хэвлэн гаргаад 12 жил болж байна. “Хэрлэн” сэтгүүл өнгө үзэмж сайтай, уншихад сонирхолтой байдгаараа манай уншигчдын сэтгэлийг татдаг. Монголчууд үндэс угсаа нэг Өвөрмонголчуудынхаа хэрхэн аж төрж байгаа ахуй соёлоос суралцах зүйл их бий. Тиймдээ ч Хэрлэн сэтгүүлийн хуудас бүхэн унших юмтай, өгөөжтэй. Түүнчлэн “Хэрлэн” сэтгүүл нь өв соёлыг хойч үедээ уламжилж, он цагийн онцлох үйл явдлыг түүхэнд үлдээх чухал үүрэг гүйцэтгэдэг гэж боддог. Мөн өөрийн хүч хөдөлмөрөөрөө амьдралаа босгон, бусдыг сайн сайхан амьдралд хөтөлж буй энгийн амьдрал дээрх эгэл биш баатруудыг олон нийтэд танилцуулдагаараа онцлогтой. “Хэрлэн” сэтгүүл хоёр орны соёлын солилцооны түүх юм. Энэ түүх балрахгүйгээр үеийн үед үргэлжилж байх болтугай.
DORNODMEDIA.MN