Өвөр Монголын 23 дахь удаагийн мал аж ахуйн үзэсгэлэн 5 дугаар сарын 28-ны өдөр Өвөр Монголын Олон улсын хурал, үзэсгэлэнгийн төвд албан ёсоор нээлтээ хийлээ.
Тус үзэсгэлэнг Мал аж ахуйн нийгэмлэг болон Өвөр Монголын Мал эмнэлгийн холбоо хамтран зохион байгуулж байгаа бөгөөд энэ жилийн арга хэмжээ “Технологийн чадавхыг нэмэгдүүлэх, ногоон өөрчлөлтийг дэмжих, аж үйлдвэрийн интеграцийг гүнзгийрүүлэх” сэдвийн хүрээнд болж байна.
Үзэсгэлэн нь Өвөр Монголын ногоон хөдөө аж ахуй, мал аж ахуйн бүтээгдэхүүний үйлдвэрлэлийн томоохон бааз болох байршлын давуу талыг ашиглан салбарын бүх шатны хөгжил, инновацыг цогцоор нь харуулж буйгаараа онцлог юм. Тодруулбал, тэжээлийн хангамжаас эхлээд гүн боловсруулалт хүртэлх үйлдвэрлэлийн бүх сүлжээг хамарсан шинэ шийдэл, технологийн ололт амжилтыг танилцуулж байна.
Мөн энэхүү үзэсгэлэн нь үйлдвэрлэлийн зардлыг бууруулах, үр ашгийг нэмэгдүүлэх, эрсдэлийг багасгах, цаашлаад салбар хоорондын болон санхүүгийн интеграцчиллыг дэмжсэн үр ашигтай хамтын ажиллагааны платформ бүрдүүлэхэд чухал ач холбогдолтой юм.
Үзэсгэлэн 5 дугаар сарын 30-ны өдрийг хүртэл үргэлжилнэ.
Эх сурвалж: solongonews, Хөлөнбуйр хотын Хам зуучлалын төв — Бүрэнбаяр, Гялбаа, Цэнгэл, Яргуй
DORNODMEDIA.MN