Өвөр Монголын Баян-нуурын Урдын дунд хошууны Ганцмод суурины Хөгжилт тосгоныхон сүүлийн үед гэр бүлийн фермийн төсөл хэрэгжүүлж, шарга адуу үржүүлэн, орлогоо нэмэгдүүлж байна.
Экологийн аялал жуулчлал, уламжлалт малжих соёл болон танин мэдэхүйн сурталчилгааг уялдуулсан уг төсөлд нийт 410 мянган юанийн хөрөнгө оруулан, хоёр монгол гэр барьж, уламжлалт гар урлалаар чимсэн бөгөөд музей, гэр буудлын зориулалттай ашиглаж байна.
Жуулчид фермд зочлон, хөдөөний амьдралтай танилцан, морь унаж чөлөөт цагаа өнгөрүүлэх боломжтой. Өвөл зуны улиралд мөн өвөрмөц наадам зохион байгуулдаг тул хол ойрын зочдыг соронздон татдаг.
Төсөл амжилттай хэрэгжсэнээр шарга адууны борлуулалт болон аялал жуулчлалын цэвэр орлого жилдээ 140-150 мянган юаньд хүрдэг талаар тосгоны намын дарга Баянгол танилцууллаа.
Эх сурвалж: https://mongol.cri.cn, Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл Яргуй
DORNODMEDIA.MN