Хөлөнбуйр махны үйлдвэрлэлийн группийн мэдээлснээр тус компани одоогоор өдөрт 25 тонн мах боловсруулдаг бөгөөд жилийн эцэс хүртэл захиалга авч, салбарын үйлчлүүлэгчдийн эрэлт нийлүүлэлтээс давсан байна. Хөлөнбуйр үхрийн мах, хонины мах нь дээд зэргийн чанар, брэндийн нөлөөгөөр Хятадын зах зээлд сайн борлуулагдаж буйг үүгээр харуулж байна.
Хөдөө аж ахуй, мал аж ахуйн үйлдвэрлэлийн үндэсний хэмжээний гол тэргүүлэгч аж ахуйн нэгж болох Хөлөнбуйр махны үйлдвэрлэлийн групп нь бэлчээрийн өндөр чанартай нөөцийг гүнзгий судалж, үржүүлэг, боловсруулалт, борлуулалтын орчин үеийн, бүрэн үйлдвэрлэлийн гинжин хэлхээний системийг бий болгожээ. Энэ оны 9-р сарын сүүлчээр тус компани 16 мянган толгой үхэр, 135 мянган хонь нядалгаанд оруулж, 2021 тонн махан бүтээгдэхүүн боловсруулж, 720 сая юанийн үйлдвэрлэлийн өртөгт хүрсэн байна. Тус компанийн бүтээгдэхүүнүүд улс даяар 30 мужид зарагдаад зогсохгүй McDonald's зэрэг алдартай хоолны брэндүүдийн урт хугацааны нийлүүлэгчээр ажиллаж байгаа юм.
Брэндийн бүтээн байгуулалтын талаар "Хөлөнбуйр" Хятадын алдарт барааны тэмдгээр бүртгүүлж, Хятадын хэмжээний гол супермаркетуудад амжилттай нэвтэрчээ. Мөн бүх Хятадад 160 борлуулалтын төлөөлөх газар, түгээлтийн агуулах, 600 гаруй брэндийн дэлгүүр байгуулснаар бэлчээрээс хоолон ширээ хүртэл тасралтгүй холболтыг бий болгожээ.
Эх сурвалж：https://mongol.cri.cn, Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл
DORNODMEDIA.MN