Нийгмийн хөгжилтийг дагалдан малчид суурьшин амьдарсаар монгол гэрээ ачаад нүүдэлд явах малчдын тоо цөөрсөн. Монгол гэртээ амьдрах хүний тоо ч улмаар цөөрсөн байна. Гэхдээ ойрын жилүүдээс хөдөө орон нутагт залуучууд уламжлалт монгол гэрээ шинэ маягийн загвараар засаж чимэж амьдрах болсон нь бас нэгэн төрлийн хандаш болж үзсэн харсан хүмүүсийн бахархлыг татна. Залуу хосууд монгол гэрт амьдрахаар шийджээШилийн хотын Цогуул сумын Хонгор гацааны малчин залуу Сайнзаяа 2024 оны 10-р сард Сурлагатайгаа тоонот гэрт толгой холбож, гал голомтоо залгуулсан. Сайнзаяа: “Бид хоёр их сургуулиа төгсөөд нутаг усандаа ирж мал малжихаар болсон”гэв. Сайнзаяа Сурлага хоёр хошуу аймгийн төвдөө байр худалдаж авъя гэж бодсонгүй. Нутгийнхаа төрсөн буурин дээрээ тансаг байшин барихыг ч хүссэнгүй.
Харин гурван монгол гэр барьж, мөнгөндөө хэмнэлт хийж, ойр хавийнхаа хүмүүсээс онцлогдох үүд өрхөө сөхсөн байлаа. Монгол гэрийнхэн диаметр нь арван метр. Үүнээс гадна бас нэг илүү монгол гэртэй. Монгол гэртээ шинэ загварын ор, ширээ, шүүгээ, авдар, гоо сайхны ширээ, хөргөгч, шалнаасаа халаагчтай, хотын байранд байдаг бүх л эдлэл хогшлыг худалдан авч ерэн мянга гаруй юань зарцуулжээ.Суурьшин суугаа монгол гэрийнхээ дулаалгыг шийдэх бас нэг тусгай монгол гэрийг хажууд нь барьж, тэндээ гал түлж дулаалгаа шийдвэрлэв. "Бид хоёр хөдөө нутагтаа амьдрах дуртай өдөржин унаатайгаа ноцолдох амьдрал надад жаргалтай санагддаг. Хөдөө нутагтаа монгол гэр барьж, айл гэр болох талаар бид хоёр сэтгэл нэгтэй байхаар зогсохгүй 2 талын аав ээж нар маань ч бид хоёрыг дэмжсэн юм. Цаашид бид хоёр МАА-гаа шинэчилсэн техник технологоор хөгжүүлж, сэтгэл дүүрэн, байгаа бүхнээ нандигнаж явна" гэж гэргий Сурлага нь баяртай ярьж байлаа.
Эх сурвалж:Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл, Яргуй
DORNODMEDIA.MN