3-р сарын 22-ны үдээс өмнө, ӨМӨЗО-ны Спортын товчоо, ӨМӨЗО-ны Утга зохиол, урлагийн холбооноос зохион байгуулсан 2025 оны ӨМ-ын мөс цасны спортын гэрэл зургийн үзэсгэлэн ӨМ-ын Уран зургийн ордонд нээлтээ хийлээ.
"Мөс цасны арга хэмжээ, Үзэсгэлэнт умард Хил" сэдэвтэй энэхүү гэрэл зургийн үзэсгэлэнд цана, тэшүүр, хоккей, цасан хөл бөмбөг зэрэг мөс цасны спортын эрч хүчтэй гоо үзэсгэлэн, Өвөр Монголын өвлийн өнгө үзэмж, байгалийн цэвэр цэмцгэр байдлыг тод харуулсан нийт 163 гэрэл зураг дэлгэгджээ.
Үзэсгэлэнд дэлгэсэн бүтээлүүд нь спортын сэтгүүлчид, гэрэл зурагчид, мөс цасны спорт сонирхогчдын бүтээл бөгөөд мэргэжлийн тэмцээн, олон нийтийн үйл ажиллагаа болон бусад өнцгөөс зургалжээ. Уг бүтээлд тамирчдын мөс цасны уралдааны талбар дээрхи өрсөлдөөний торгон агшинг шингээгээд зогсохгүй, Өвөрмонголд мөс цасны спортыг өргөнөөр дэлгэж, эрчимтэйгээр хөгжин урагшилж буйг харуулж, энгийн ард иргэд мөс цасны спортод оролцож буй баяр хөөртэй дүр зургийг харуулсан байна.
Энэхүү гэрэл зургийн үзэсгэлэн нь Мөс цасны спортын үзүүлэнгийн баяр төдийгүй, ӨМӨЗО-ны зүгээс "300 сая хүнийг мөс цасны спортод идэвхтэй оролцуулах" уриалгыг түгээн дэлгэрүүлэх нэн идэвхтэйгээр хүлээн авч буй чухал арга хэмжээ юм. Энэхүү үзэсгэлэн нь мөс цасны спортын сэтгэл татам байдлыг харуулснаараа олон нийтийн мөс цасны спортыг сонирхох хүсэл эрмэлзлэлийг улам нэмэгдүүлж, Өвөр Монголын мөс цасны аялал жуулчлал, мөс цасны эдийн засгийн хурдачтай хөгжлийг улам ахиулсан юм.
"Мөс цасны арга хэмжээ, Үзэсгэлэнт умард Хил" 2025 оны ӨМ-ын Мөс цасны спортын гэрэл зургийн үзэсгэлэн 4-р сарын 13-ны өдөр хүртэл үргэлжлэх бөгөөд энэ үеэр мягмар гарагаас ням гараг хүртэл 9:00-17:00 цагийн хооронд нээлттэй байх болно.
Эх сурвалж: http://nm.people.com.cn, Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл
DORNODMEDIA.MN