ӨМ-ын Хөлөнбуйр нутгийн ууган ботгыг бэлэгшээн таван хошуу малынхаа өнөр өсөлтийг бэлэгдэж, Шинэ барга зүүн хошууны Тэмээн соёл үйлсийн нийгэмлэгээс зохион байгуулсан 2025 оны “Хөлөнбуйрын ууган ботгын мялаалга”-ын найр 3-р сарын 19-ний өдөр, Хөлөнбуйр хотын Шинэ барга зүүн хошуунд найраа дэлгэр сайхан зохион байгууллаа.
Энэ жилийн ууган ботго 2-р сарын 20 -ны өдөр Шинэ барга зүүн хошууны Ганжуур сумын Иххүрээ гацааны Хутай халын Сумъяагийн Батмөнхийн хотонд мэндэлж, ууган ботгоны буйлаан малчдын сэтгэлийг сэргээлээ.
Энэ үйл ажиллагаанд Хөлөнбуйр хотын Тэмээний соёл үйлсийн нийгэмлэгээс ууган ботгын эзэнд баяр хүргэж, бэлэг гардуулахын хамт хүний нутаг хөндлөнгийн газар “Суман цагаан” гэдэг хурдан ботгоороо зогсолтгүй арван удаа түрүүлж, нутаг усныхаа алдар нэрийг өргөж яваа залуу тэмээчин Аянгад үнэмлэх гардуулжээ.
Уралдаанд гурван насны, бага насны, их насны тэмээ гэх гурван төрлийн хурдан тэмээг уралдуулж, Хөлөнбуйр хотын малжих дөрвөн хошууны тэмээчид тэрчилэн Шилийн гол аймгийн Зүүн үзэмчин хошууны тэмээчид зорин ирж, нийт 55 тэмээг бүртгүүлж уралдуулсан байна.
Эх сурвалж: Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл
DORNODMEDIA.MN