Энэ гуравдугаар сарын 15-наас Хятад улс “Эртний болон алдартай моднуудыг хамгаалах журам”-аа хэрэгжүүлж эхэллээ. Улсын хэмжээнд анх удаа захиргааны зохицуулалтын хэлбэрээр эртний болон алдартай модыг хамгаалан арчлахын дүрэм тогтоолыг тодорхойлж байгаа юм. Эртний мод гэдэг нь 100 жилээс илүү настай модыг хэлж байна. Гэхдээ таримал болон үйлдвэрлэлийн зориулалттай худалдааны ой хөвчийн моднууд үүнд багтахгүй. Алдартай мод гэдэг нь түүх соёл, шинжлэх ухаан технологи, үзэмж төрхийн үнэ цэнэтэй юм уу эсвэл дурсгалын чухал ач холбогдолтой моднуудыг хэлж байгаа юм.
Барилга байгуулалт зэрэг төслүүд эртний мод болон алдартай модны ургалтад сөргөөр нөлөөлж болохгүйг уг журамд онцолсон бөгөөд хариуцлага хүлээлгэх тогтолцоог бэхжүүлэн, торгуулийн стандартыг бүрдүүлсэн байна. Жишээ нь эртний мод, алдартай модыг огтлох, шилжүүлэн суулгах зэрэг үйлдэлд 1 сая юань хүртэл торгууль ногдуулахыг тодорхойлжээ.
Хоёрдугаар тооллогын дүнд харуулснаар, улсын тооллогын хүрээнд эртний болон алдартай мод нийт 5 сая 81 мянга 900 байна.
Эх сурвалж: https://mongol.cri.cn,Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл, Яргуй
DORNODMEDIA.MN