![\"\"](\"http://cdn.eagle.mn/cache/images/8/6/9/d/3/869d3491a874c36a2c5b5b9416f5e13ffb38d8d9.jpg\")
Энэ сарын 11-ний өдөр Дорнод аймагт есөн хүн архинд хордож, нэг нь газар дээрээ нас баржээ. Архинд хордсон иргэд Дашбалбар сумаас хойш 70 км-т мал, мах авч явах үедээ архидан согтуурч, техникийн зориулалттай шингэн нэмж ууснаар ийн хордсон байна.Улаанбаатар хотоос очсон иргэн Т машиныг хөлдөхөөс хамгаалах зориулалттай цэнхэр өнгийн шингэнийг ундааны саванд хийж авч явснаа гаргаж, “өмнө нь ууж үзсэн, зүгээр” гэхэд нь ууцгаасан гэж мэдүүлээд байгаа юм. Амиа алдсан Улаанбаатар хотын иргэн Т зүрх нь зогссон байдалтай Дашбалбар сумын эмнэлэгт хүргэгдэн ирснээр хордсон хүмүүст эмнэлгийн яаралтай тусламжийг цаг алдалгүй хүргэжээ. Одоогоор өвчтөнүүдийг БОЭТ-д шилжүүлэн авчраад байна. Нэг иргэний биеийн байдал хүнд, бусад нь хордлогын шинжтэй эмчлүүлж байна гэж мэдээллээ.
Дээрх явдалтай холбогдуулан Дорнод аймагт онц байдал зарлаад байна.
Д.Дэлгэрмаа
DORNODMEDIA.MN