УЛСЫН ХАРЦАГА Д.АНАРТ “ЛАНД КРУЙЗЕР-200” АВТОМАШИН БЭЛЭГЛЭВ

Д. Анарыг Тулгар Төрийн 2228, Их Монгол Улс байгуулагдсаны 813, Ардын хувьсгалын 98 жилийн ой, Үндэсний их баяр наадмын хүчит бөхийн барилдаанд улсын харцага Б.Бат-Өлзийгөөр зургаа давж харцага цол хүртсэнд тал нутгийн ард түмэн туйлын их баяртай байгаа билээ. Монгол улсын харцага Д. Анар нутагтаа ирсэн нь \"Зүүн бүсийн хурд-2019\" баяр наадмын бас нэгэн чимэг байлаа. Түүнийг хүндэтгэн “Степ голд” компанийн зүгээс 50 сая төгрөг, улсын наадамд 4 давсан Цагаан-Овоо сумын харьяат аймгийн арслан П. Мөнхбатад 5 сая төгрөгийг гардуулсан бол Улаанбаатар хот дахь Дорнод аймгийн нутгийн зөвлөлөөс Улсын харцага Д.Анарт “Ланд круйзер-200” автомашин бэлэглэсэн юм.
                                                                                                                                    Гэрэл зургийг: Б.Энхмаа