АЙМГИЙН МАЛ ЭМНЭЛГИЙН ГАЗАР СУМДАД АЖИЛЛАЖ БАЙНА

Дорнод аймгийн Мал эмнэлгийн газрын даргын баталсан удирдамжийн дагуу Мал эмнэлгийн газрын Захиргаа санхүүгийн албаны дарга Н.Мөнхнайрамдалаар ахлуулсан ажлын хэсэг энэ сарын 13-аас Баяндун, Баян-Уул, Сэргэлэн, Цагаан-Овоо сумдад ажиллаж байна. Ажлын хэсэг Мал эмнэлгийн тасгийн үйл ажиллагаа, малын өвчнөөс урьдчилан сэргийлэх арга хэмжээний явц, малын шилжилт хөдөлгөөн, мал эмнэлгийн гэрчилгээ олголтын өнөөгийн төвшинг тогтоож, илэрсэн зөрчил дутагдлыг арилгуулан, мэргэжил арга зүйн зөвлөгөө өглөө. Ажлын хэсгийн бүрэлдэхүүнд МЭТ, МЭҮН болон дотоод хяналт, шилжилт хөдөлгөөн баталгаажуулалт эмийн асуудал хариуцсан улсын байцаагч Б.Болормаа, Шимэгчтэх, халдваргүй өвчин, малын эм био бэлдмэлийн хэрэглээний асуудал хариуцсан мэргэжилтэн Э.Саранхүү, МЭАЦЛ-ын ийлдэс судлалын шинжээч их эмч Х.Гүндэгмаа гэсэн мэргэжлийн хүмүүс ажиллаж байгаа юм.