СУРАГЧ СОЛИЛЦООНЫ ТӨСӨЛ 3 ДАХЬ ЖИЛДЭЭ

“Хүүхдэд ээлтэй засаглал-2020” хөтөлбөрийн хүрээнд аймгийн Засаг дарга бөгөөд Хүүхдийн төлөө зөвлөлийн дарга М.Бадамсүрэнгийн дэмжлэгтэй “Нарны хүүхдүүд” сурагч солилцооны төсөл гурав дахь жилдээ амжилттай хэрэгжиж байна. Дорнод аймгийн ГБХЗХГ, Сүхбаатар аймгийн ГБХЗХГ-тай хамтран \"Нарны хүүхдүүд\" сурагч солилцоо төслийг хэрэгжүүлж байгаа юм. Хоёр үе шаттай хэрэгжих уг төсөлд Дорнод Сүхбаатар аймгийн 20 сурагч хамрагдаж байна. Тэд долоо хоногийн хугацаанд дотуур байранд байрлан багаараа тухайн сум, сургуулийн хүүхдийн өөрийн удирдлагын байгууллагатай хамтран сургалт мэдээлэл хүмүүнлэг, нөлөөллийн үйл ажиллагаа, зохион байгуулж, хүүхэд олон нийтэд сайн үлгэр дуурайлал үзүүлэн харилцан туршлага солилцоно. Хөтөлбөрт Дорнод аймгийн таван сургууль, Сүхбаатар аймгийн Баруун-Урт сумын гуравдугаар БДС-аас сурлага, урлаг, спортоор манлайлсан арав, арван сурагчийг сонгон хамруулжээ. Сурагчид аймаг орон нутгийн бүтээн байгуулалт, ёс заншил, түүх, өв соёлоос суралцан, үе тэнгийнхэнтэйгээ нөхөрлөн, бие биенээсээ суралцаж, туршлага судлах юм. Өмнө жилүүдэд Дорнод аймгийн сумдын ЕБС-ийн сурагчид сурагч солилцооны энэхүү хөтөлбөрт хамрагдаж байсан энэ удаа Сүхбаатар аймагтай хамтран тус төслийг хэрэгжүүлж байна.