Ой хээрийн түймэр 60 гаруй хувиар буурчээ

Аймгийн хэмжээнд өнгөрсөн оны байдлаар ой хээрийн түймрийн гаралт 66.5 хувь буурсан тухай Зүүн бүсийн төв, аймгийн Онцгой байдлын газраас мэдээллээ. Аймаг, орон нутгаас гал түймэртэй тэмцэх ажилд анхаарал хандуулж, шат дараатай ажлууд хийсний үр дүнд ойрын жилүүдэд ой хээрийн түймрийн гаралт буурч байна гэж үзэж байгаа юм. Тухайлбал, 2016 онд 41 удаагийн ой хээрийн түймэр гарч байсан бол 2017 онд 35, 2018 онд 12 болж буурчээ.

Манай аймгийн хувьд энэ өвөл хур тунадас багатай цасгүй өвөлжсөнөөс хуурайшилт их байгаа.Он гарсаар хээрийн түймрийн анхны дуудлага энэ сарын 11-ний өдөр бүртгэгдэж, ОБГ-ын алба хаагчид дуудлага мэдээллийн дагуу шуурхай ажиллаж галыг унтраажээ. Аймгийн төвөөс 18-км.т Хэрлэн сумын 8-р багийн нутаг дэвсгэрт МАК-ийн уурхайн зүүн хойно түймэр гарсаны шалтгаан нөхцлийг одоогоор судалж байна