“Чанчүнь-2027” Дэлхийн оюутны өвлийн спортын 33 дугаар наадмын бамбарын галыг угтах ёслол 10 дугаар сарын 14-нд Чанчүнь хотод боллоо. Мөн өдрийн үдээс өмнө бамбарын галыг угтах ёслол Чанчүнь хотын Түүх, соёлын музейд зохион байгуулагдав. Ёслолын үеэр Италийн Турин хотод болсон бамбарын галыг асаан авах ёслолын бичлэгийг үзүүлжээ. Ёслолд оролцсон үзэгчдийн анхаарлын дор бамбарын галыг хамгаалах багийн гишүүд Чанчүний Дэлхийн оюутны өвлийн спортын наадмын бамбарын галыг салбар салбарын төлөөлөгчдөд дамжуулан бариулж, дараалан дамжууллаа. Дараа нь галыг Чанчүнь хотын дарга, Чанчүний Дэлхийн оюутны өвлийн спортын наадмыг зохион байгуулах хорооны гүйцэтгэх хорооны дарга Гү Ган хүлээн авч, нийт оролцогчдод үзүүлэв. Энэ удаагийн Дэлхийн оюутны өвлийн спортын наадам 2027 оны 1 дүгээр сарын 15-25-ны өдрүүдэд зохион байгуулагдана. Уралдаан тэмцээн Чанчүнь хотын үндсэн бүс болон Жилинь хотын салбар бүсэд явагдана. Энэ нь 2009 онд Харбин хотод болсон Дэлхийн оюутны өвлийн спортын наадмын дараа тус наадам Хятад улсад дахин зохион байгуулагдаж буй явдал юм.
Эх сурвалж: https://mongol.cri.cn, Хөлөнбуйр хотын Хам зуучлуурын төвийн Бүрэнбаяр, Гялбаа, Цэнгэл
DORNODMEDIA.MN