“Элэгний В вирусгүй хүүхэд” хөтөлбөр хэрэгжинэ

Энэ онд Дорнод аймагт “Элэгний В вирусын халдваргүй нярай” төсөл хэрэгжихээр болжээ. Манай аймагт жилдээ 1900 гаруй эх амарждагаас 200 гаруй нь элэгний В вирустэй байдаг гэсэн судалгаа бий. Элэгний В вирустэй эхээс төрсөн хүүхэд элэгний ямар нэг өвчлөлд амархан өртөх эрсдэлтэй байдаг аж. Харин дөнгөж төрсөн нярайд В вирусын эсрэг вакциныг хийснээр дээрх халдвараас сэргийлэх боломжтой гэнэ. Тиймээс энэ оноос элэгний В вирусын халдварт өртөж болзошгүй нярайг үнэгүй вакцинжуулахаар болоод байна. Ингэснээр элэгний өвчлөл буурна гэж аймгийн ЗДТГ-ын Нийгмийн бодлогын хэлтсээс бидэнд мэдээллээ.

Элэгний В вирусын эсрэг вакцины тухайд 90 гаруй мянган төгрөгийн үнэтэй юм байна.