Хятадын Экологи, байгаль орчны яамны сайд Хуан Рүньчю 8 дугаар сарын 13-нд Төрийн зөвлөлийн Хэвлэл мэдээллийн албанаас зохион байгуулсан “15-р таван жилийн төлөвлөгөөний эхлэлийг амжилттай тавьж байна” сэдэвт цуврал хэвлэлийн бага хурлын үеэр хэлэхдээ, энэ он гарснаас хойш Хятадын экологийн орчны чанар тасралтгүй сайжирч, гол үзүүлэлтүүд мэдэгдэхүйц сайжирсан гэжээ.
1-7 дугаар сард улсын хэмжээнд агаар дахь нарийн ширхэгт тоосонцорын (PM2.5) дундаж агууламж өмнөх оны мөн үеэс нэг шоо метр тутамд 1.8 микрограммаар буюу 6.2 хувиар буурчээ. Агаарын чанар сайн, харьцангуй сайн байсан өдрүүдийн эзлэх хувь өмнөх оны мөн үеэс 3.9 нэгж хувиар өссөн байна. Гадаргын усны I-III ангиллын усны чанарын шаардлага хангасан хэсгийн эзлэх хувь 86.5 хувьд хүрч, өмнөх оны мөн үеэс 2.4 нэгж хувиар нэмэгджээ.
7 дугаар сарын эцсийн байдлаар улсын хэмжээнд нүүрстөрөгчийн ялгаруулалтын эрхийн арилжааны зах зээлд нийт 930 сая тонноос давсан хэмжээний арилжаа хийгдсэн байна. Энэ нь салбаруудын нүүрстөрөгчийн ялгаруулалтыг бага зардлаар бууруулахад дэмжлэг үзүүлэхийн зэрэгцээ ногоон, нүүрстөрөгч багатай шилжилтийг эрчимтэй ахиулж байна.
Эх сурвалж: https://mongol.cri.cn, Хөлөнбуйр хотын Хам зуучлуурын төвийн Бүрэнбаяр, Гялбаа, Цэнгэл
DORNODMEDIA.MN