\"Яхь нуур\"-аас хүүхдийн цогцос олдлоо

Сэргэлэн сумын 2 дугаар багийн нутаг \"Яхь нуур\" гэдэг газраас эмэгтэй хүүхдийн цогцос олджээ. Мэдээллийн дагуу аймгийн Цагдаагийн газрын Эрүүгийн цагдаагийн тасгийн даргаар ахлуулсан албан хаагчид хэргийн газарт очиж, цогцсыг Шүүх шинжилгээний албанд хүлээлгэн өгөөд байгаа аж. 

Энэ сарын наймны өдөр 13.00 цагийн орчимд Сэргэлэн сумын хоёрдугаар багийн нутаг Ар хоолой, Баян-Уул цайдмын нуурын хойд талд, сумын төвөөс зүүн зүгт 22 км-т зунжиж буй малчин Х-гийн 2 настай охин сураггүй алга болсон билээ. Онцгой байдлын газар, Цагдаагийн газрын хамтарсан баг охиныг хайж байсан ч ямар нэг ул мөр олдоогүй тул 6 сарын 14-ны өдөр эрлийг зогсоогоод байсан юм. 

Энэ талаар бид нэхэн сурвалжлах болно.