“Цэн тогоруу” наадмын шилдгүүд сумдаар аялан тоглоно

“Цэн тогоруу” урлагийн наадмын шилдгүүд хөдөө сумдаар аялан тоглолт хийхээр төлөвлөжээ. Улаанбаатар хот дахь Дорнодын Залуучуудын холбооноос Дорнод аймгийн 14 сумын оюутан залуучуудын дунд зохион байгуулдаг “Цэн тогоруу” урлагийн наадам хоёр дахь жилдээ амжилттай болсон. Уг наадамд8 сумын 100 гаруй залуус авьяас чадвараа сорин өрсөлдөж Халхгол сумын залуус түрүүлсэн бол хоёрдугаар байрт Дашбалбар, гуравдугаар байрт Чойбалсан сум шалгарчээ.

Аялан тоглолтыг УИХ-ын гишүүн Х.Болорчулуун, ХХБ-ны тэргүүн дэд захирал Л.Соронзонболд нар дэмжин ажиллаж, тоглолтын багийг Шинэ үе продакшны жүжигчин А.Энхжин ахалж яваа аж.