Төгсөх ангийнхны \"Эрдмийн баяр\"-ыг нэгдсэн журмаар зохион байгуулна

Төгсөх ангийн сурагчдад боловсролын үнэмлэх гардуулах “Эрдмийн баяр” ёслолын арга хэмжээг энэ оноос нэгдсэн журмаар зохион байгуулахаар төлөвлөжээ. “Эрдмийн баяр” ирэх сарын 14-нд Чойбалсан хотын төв талбайд болох юм.

Энэ жилийн хувьд төгсөх ангийнхны улсын шалгалтууд ирэх долоо хоногоос эхэлнэ. Бага боловсрол эзэмшигчдийн улсын шалгалт 28-наас эхэлж 6 дугаар сарын 4-ны өдөр дуусах бол суурь, бүрэн дунд боловсрол эзэмшигчдийнх энэ сарын 29, 30-наас эхэлж 6 дугаар сарын 8-нд дуусах юм.

Харин Элсэлтийн ерөнхий шалгалт 6 дугаар сарын 16-наас эхэлнэ.

Э.Отгонтуяа