Саяхан Хятадын төв радио телевизээс зохион байгуулсан "Хятадын хавар: Хятадын боломжийг дэлхий нийтээр хуваалцаж байна" сэдэвт дэлхийн яриа хэлцэлийн үеэр "Бүс ба Зам"-ыг хамтаар байгуулж буй орнуудын тусгай хуралдааныг зохион байгуулжээ. Бразил, Саудын Араб, Арабын Нэгдсэн Эмират, Узбекистан, Киргизстан, Филиппин, Мьянмар, Өмнөд Солонгос, БНАСАУ, Конго зэрэг орны улс төрчид, судалгааны төвийн эрдэмтэд, бизнесийн удирдлагууд хийгээд олон улсын хэвлэл мэдээллийн төлөөлөгчдийг урьж, Хятадын хоёр чуулганы халуун сэдвүүдийн эргэн тойронд гүнзгий санал бодлоо солилцож, Хятадын өндөр чанартай хөгжил дэлхийн эдийн засагт тодорхой хүчин зүйл сэлбэж буй талаар хамтдаа ярилцаж, "Бүс ба Зам" санаачилгаас дэлхий нийтэд авчирч буй шинэ боломжуудыг судлан ярилцсан байна. Мьянмарын ГХЯ-ны Олон улсын байгууллага хийгээд эдийн засгийн газрын дэд дарга Аун Кяв Мо хэлэхдээ, Хятад улс зөвхөн өөрийн тогтвортой хөгжилд анхаарал хандуулаад зогсохгүй, "Бүс ба Зам" санаачилгын үйл явцад хамтран бүтээн байгуулагч орнуудтай ногоон хамтын ажиллагааг гүнзгийрүүлж, ногоон хөгжлийг ахиулахад анхаарч байна гэжээ.
Бразилийн 247 мэдээллийн сүлжээний ерөнхий редактор Леонардо Артуш хэлэхдээ, сүүлийн жилүүдэд Хятад улс гадаадад дээд түвшний нээлттэй байдлаа тасралтгүй өргөжүүлж, 150 гаруй улс орон болон бүс нутгийн худалдааны гол түнш болж, дэлхийн эдийн засагт хөгжлийн олон шинэ боломж олгож байна гэжээ. Африкийн өргөн нэвтрүүлгийн холбооны гүйцэтгэх захирал Грегуар Жаккард хэлэхдээ, Хятад улс шинэ технологи ашиглан Африкийн хэвлэл мэдээллийн салбарт дижитал өөрчлөлт хийхэд туслаж байгааг Африк сайшааж байна гэжээ.
'Дээрх үйл ажиллагааг Оросын засгийн газрын албан ёсны сонин "Российская газета", Бурундигийн үндэсний мэдээллийн агентлаг, Өмнөд Солонгосын Жун Ан Илбо зэрэг зорилтот улс орнуудын гол хэвлэл мэдээллийн хэрэгслээр дамжуулж мэдээлсэн байна.
Эх сурвалж: https://mongol.cri.cn, Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл
DORNODMEDIA.MN