Хятадын хөгжлийн дээд форум-2025 оны жил тутмын ээлжит хурал яг одоо Бээжинд болж байна. Өнөөдөр системийн нээлттэй байдлыг өргөжүүлэх тухай тусгай симпозиум зохион байгуулж, Хятадын Худалдааны яамны холбогдох албан тушаалтнууд болон гадаадын олон төлөөлөгч нар оролцож байна. Өнөөдрийн форумаар зочид төлөөлөгчид хиймэл оюун ухаан, хэрэглээ зэрэг халуун сэдвүүдэд анхаарлаа хандуулах болно. Энэ жилийн Засгийн газрын ажлын тайланд “биежсэн хиймэл оюун ухаан” гэдэг шинэ нэр томъёо гарч ирсэн юм, түүнийг хиймэл оюун ухааны дараагийн давалгаа гэж үзэж байна. Зочид төлөөлөгчид бүгд хиймэл оюун ухааны хөгжил хийгээд олон улсын хамтын ажиллагааны талаар ярилцахыг маш хүсэж байв.
Энэ оны хуралд үндэстэн дамнасан компаниудын 80 гаруй төлөөлөгч оролцож, түүний дотор АНУ-ын компани хамгийн олон байлаа. Түүнчлэн уг хуралд анх удаагаа оролцож буй үндэстэн дамнасан компаниудын тоо шинэ амжилт тогтоож, нийт компанийн 20%-ийг эзэлсэн байна. Үндэстэн дамнасан зарим компаниудын гүйцэтгэх захирлууд илэрхийлэхдээ, цаашид Хятад дахь судалгаа, хөгжлийн хөрөнгө оруулалтаа нэмэгдүүлэх, өсөлтийн шинэ цэгүүдийг хайж олох талаар бодож үзэх болно. Хятад улс үндэстэн дамнасан хөрөнгө оруулалтын голомт хэвээр байна гэжээ.
Эх сурвалж: https://mongol.cri.cn, Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл, Яргуй
DORNODMEDIA.MN