Саяхан Гүйжөү мужид ажил байдалтай танилцаж яваа Ши Жиньпин дарга Дун үндэстний Жаосин тосгонд хүрчээ. Тосгоны хаалганд үндэстний хувцсаар гоёсон нутгийн иргэд 2500 гаруй жилийн түүхтэй Дун үндэстний дуугаар Ши Жиньпинийг угтан авчээ.
Хятад улс бол 56 үндэстэн ястнаас бүрдсэн үндэстнүүдийн том гэр бүл юм. Ши Жиньпиний энэ удаа айлчилсан Гүйжөүгийн зүүн өмнөдийн Мяо, Дун үндэстний өөртөө засах жөү нь Хятадын үндэстний цөөнхийн төвлөрөн суусан газрын нэг бөгөөд үндэстэн угсаатны баялаг, гайхамшигтай соёлтой. Жаосин Дун тосгоноор жишээлэхэд, энд уянгалаг сайхан Дун үндэстний дуу байхаас гадна гацуур модоор барьсан уламжлалт өвөрмөц байшингууд нь хүмүүсийн сонирхлыг ихээхэн татдаг юм.
Ажил байдалтай танилцах үеэр Ши Жиньпин соёл, аялал жуулчлал, спортын уялдаа холбоог гүнзгийрүүлж, аялал жуулчлалын салбарыг баяжуулж, "Үзэсгэлэнт сайхан Гүйжөү" гэх соёл, аялал жуулчлалын шинэ брэндийг бий болгохыг онцолжээ. Ирээдүйд Гүйжөү муж үндэстний өвөрмөц соёл, байгалийн сайхан үзэмжид түшиж, соёл, аялал жуулчлалын цогц хөгжлийн шинэ загваруудыг тасралтгүй судалж, олон хүнд "Үзэсгэлэнт сайхан Гүйжөү”-гийн сэтгэл татам байдлыг мэдрүүлж, хөдөө тосгоныг сэргээн хөгжүүлэхэд тус дөхөм үзүүлж, Хятад мягийн орчин үеийн бүтээн байгуулалтыг шинэ шатанд гаргана гэдэгт итгэж байна гэжээ.
Эх сурвалж: https://mongol.cri.cn, Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл, Яргуй
DORNODMEDIA.MN