Иргэдийн төлөөлөгчдийн хурлын эмэгтэй төлөөлөгч нар манлайллын сургалтад хамрагдлаа

Дорнод аймгийн ИТХ-д төлөөлөгчөөр сонгогдон ажиллаж байгаа эмэгтэй төлөөлөгчдөд зориулсан “Нутгийн удирдлагад эмэгтэйчүүдийн манлайлал” сэдэвт сургалт боллоо. Сургалтыг “Хил хязгааргүй алхам” ТББ-ын хуульч багш нар удирдан явуулсан.

Аймгийн иргэдийн Төлөөлөгчдийн Хурал, \"Монфемнет үндэсний сүлжээ” ТББ хамтран Швейцарийн хөгжлийн агентлагийн санхүүжилтээр хэрэгжүүлж буй \"Монгол Улсын төлөөллийн байгууллагыг бэхжүүлэх нь\" төслийн хүрээнд аймаг, сумдын ИТХ-ын эмэгтэй төлөөлөгчдөд дээрх сургалтыг явуулж байна. Тус аймгийн хувьд аймгийн ИТХ-д 35 төлөөлөгчийн 4 нь эмэгтэй төлөөлөгч байдаг. Харин сумдын хувьд 74 эмэгтэй төлөөлөгч сонгогдон ажиллаж байгаа аж. Сургалт “Манлайллын тухай”, “Тулгамдсан асуудлыг тодорхойлох болон шинжлэх”, “Стратеги төлөвлөлт”, “Нөлөөллийн хүрээгээ бэхжүүлэх нь” зэрэг сэдвээр явагджээ.