![\"\"](\"http://www.dornodmedia.mn/uploads/posts/2018-03/1521519360_2_tbmwusi.jpg\")
Энэ өвөл цас их орсонтой холбоотойгоор Халхголын эрэг орчмын газар усанд автаж болзошгүй байгааг Онцгой байдлын газраас анхаарууллаа. Тиймээс Халхголын сав газар болон голын булан тохой, татам, бургасанд өвөлжиж, хаваржиж буй малчдыг хаврын шар усны үерийн аюулаас сэрэмжлэхийг анхааруулж байна.
Одоогийн байдлаар Халхголын сав газар нийтдээ цасан бүрхүүлтэй, цасны дундаж зузаан 25 см, хунгарлаж шуурсан газартаа 35-50 см, цагаан зудтай байна.Ойрын өдрүүдэд харьцангуй дулаарч, цасан бүрхүүл эрчимтэй хайлах төлөвтэй байгааг УЦУОШТ-өөс мэдээлэв. Голын мөсөн бүрхүүл задрах, цөн түрэх, хайлсан цасны ус мөсөн дээгүүр гүйх үзэгдэл нэгэн зэрэг хүчтэй явагдаж, цөнгийн хахаа үүсэх, ус эргээсээ халих аюул ойр байгаа юм.
Д.Дэлгэрмаа
DORNODMEDIA.MN