“Хан-Уул” олимпиадын дүн гарлаа

Дорнод аймгийн ерөнхий боловсролын лаботарори Хан-Уул цогцолбор сургуулиас 15 дахь жилдээ зохион байгуулж буй “Хан-Уул” олимпиадын дүн гарлаа. Энэ жилийн тухайд Хэнтий аймгаас 341, Сүхбаатар аймгаас 26 багш сурагчид тус олимпиадад оролцохоор иржээ.

Ерөнхий боловсролын 2-12 дугаар ангийн нийт 2701 багш, сурагч 16 хичээлийн төрлөөр өрсөлдөж багийн дүнгээр Дорнод аймгийн Улсын тэргүүний 1 дүгээр сургууль түрүүлж, “Хан-Уул” цогцолбор сургууль удаалжээ.

Багш, сурагчдын мэдлэг, чадварыг үнэлж дүгнэн аймаг, улсын олимпиадад оролцох идэвхийг өрнүүлж, сургалтын чанарыг сайжруулах зорилготой “Хан-Уул” олимпиадыг Чойбалсан хотын захирагч бөгөөд Хэрлэн сумын Засаг дарга хамтран зохион байгуулжээ.