2022 оны Бээжингийн өвлийн олимпын бэлгэдэл болсон цасан цэцгийн бамбар алгуурхан бууж олимп албан ёсоор өндөрлөлөө. Хэдийгээр галт бамбар бөхсөн ч олимпын наадмын бүтээсэн гайхамшиг үеийн үед уламжлал болж үлдлээ. Энэ удаагийн өвлийн олимпын бүтээн байгуулалт, шинжлэх ухаан, технологийн бүтээл, сэтгэл хөдөлгөм, мартагдашгүй торгон агшнууд эргэн санацгаая.
Дүрслэл ба төсөөллийн хослол буюу Дорнын гоо зүйг шингээсэн өвлийн олимпын орднууд. Үндэсний цанын харайлтын төв “Цасан Ру И”, Үндэсний тэшүүрийн ордон “Мөсөн тууз”, Үндэсний бобслей, чарганы спортын төв “Мөсөн луу”, Шөүганы биг эйр төв зэрэг гайхамшигт цогцолборуудаас өвлийн олимпын алдартнууд төрсөн юм. Эдгээр цогцолборыг 2012 оны Бээжингийн зуны олимпын спортын ордныг сэргээн засварлаж, шинэчилсэн бөгөөд цаашид ч спортын уралдаан тэмцээн зохион байгуулах бүрэн боломжтой билээ. Жишээлбэл 2022 оны өвлийн олимпын нээлт, хаалтын ёслол зохион байгуулагдсан "Шувууны Үүр" цогцолборт 2008 оны зуны олимпын нээлт, хаалтын ёслол, хөнгөн атлетик, хөл бөмбөгийн тэмцээн зохиогдож байв. Мөн 2008 онд ашиглаж байсан технологийн зарим шийдлийг дахин шинэчилж 2022 оны өвлийн олимпын өвөрмөц гайхамшгийг харуулсан.
ОУОХ-ны вэб сайтад, "Бээжин хот бол зуны болон өвлийн олимпыг аль алиныг нь зохион байгуулсан дэлхийн анхны хот болсныг онцолж гайхамшигт бүтээн байгуулалтын талаар дурджээ. Эдгээр бүтээн байгуулалтууд бол 2022 оны Бээжингийн өвлийн олимпын гол онцлог төдийгүй Хятадын цаашдын өвлийн спортын хөгжилд түлхэц болж, олон нийтийн эрүүл мэнд, нийгмийн хөгжилд ашиг тус авчрахаас гадна тус улсын эдийн засгийн хөгжилд ч эерэгээр нөлөөлөх болно" гэж тэмдэглэжээ.
DORNODMEDIA.MN