Орон нутгийн цагаар 1-р сарын 10-ны өдөр Хятадын Төв радио телевизийн Хойд Америкийн төв байр АНУ-ын Вашингтон хотын Нийслэл цэнгэлдэх хүрээлэнд "Өвлийн Олимпод тавтай морил, Ирээдүйд хамтдаа хөдөлцгөөе" хэвлэл мэдээллийн үйл ажиллагааг зохион байгуулж, Бээжингийн Өвлийн Олимпын наадмын бэлтгэлийг онлайн болон оффлайн аргаар Хойд Америкийн үзэгчдэд танилцуулав. Дэлхийн хамгийн анхны 350 км/цаг хурдтай өндөр хурдны галт тэрэгний хэт өндөр нарийвчлалтай шууд нэвтрүүлгийн өрөөнөөс ХКН-ын Төв Хорооны Суртал ухуулгын хэлтсийн орлогч дарга, Хятадын Төв радио, телевизийн захирал, Ерөнхий редактор Шэнь Хайшюн хэлэхдээ, Долоо хоногийн өмнө Ши Жиньпин дарга Бээжингийн Өвлийн Олимпын наадмын орд газруудтай танилцаж, Өвлийн Олимпын наадмыг амжилттай зохион байгуулахын тулд бэлтгэлээ чамбай базаахыг биднээс хүссэн. Хятадын Төв радио телевиз Бээжингийн өвлийн олимпын наадмын талбайд хүрэх өндөр хурдны галт тэргэнд дэлхийн анхны 5G хэт өндөр нарийвчлалтай шууд нэвтрүүлгийн станцыг суурилуулжээ. Бээжингийн Өвлийн Олимпын наадмын үеэр Төв радио телевиз нь дэлхийн өнцөг булан бүрийн хамтран ажиллагчтайгаа энэхүү хэт өндөр нягтралтай шууд нэвтрүүлгийн студийг ашиглан Олимпын ер бусын, гайхалтай үйл явдлыг дэлхий нийтэд толилуулах болно гэжээ.
Хятадаас АНУ-д суугаа элчин сайд Цин Ган хэлэхдээ, Бээжингийн өвлийн олимп сар хүрэхгүй хугацааны дараа эхэлнэ гэжээ.
https://mongol.cri.cn/, ШББХ Шиү Гуань, Шаов Тан, Танаа, Цэнгэл
DORNODMEDIA.MN