“2021 оны Хятадын Төв Радио Телевизийн Элбэг ургацын баярын концерт”-ыг дэлхий дахины үзэгч олонд толилууллаа. ХТРТ-ийн Ургацын баярын концертыг анх удаа хилийн чанадад шууд нэвтрүүлж байгаа юм. Гадаадын үзэгчдэд Хятадын уламжлалт соёлыг гүнзгий танилцуулахын тулд ХТРТ-ийн Олон улсын видео мэдээллийн агентлаг энэ онд анхч удаа гадаадын телевизэд хандан ХТРТ-ийн ургацын баярын концертын хөтөлбөрийг нэвтрүүлэхээр болжээ. Америкийн Sinovison хятад хэлний телевиз, Канадын Xinflix Media мэдээллийн хэрэгсэл, Кенийн Switch TV, АНЭУ-ын CATV, Малайзын Enjoy TV зэрэг олон улсын мэдээллийн хэрэгсэл болон Макаогийн радио телевиз, Макаогийн онлайн телевизээр дамжуулах юм. Гадаадын үзэгчдэд билгийн тооллын ургацын баярын соёл уламжлал, ёс заншилтай танилцахад нь дөхөм болгохын тулд Олон улсын видео мэдээллийн агентлаг нарийн төлөвлөлт хийж, концертын хөтөлбөрт анх удаа англи хэлний тайлбар нэмсэн юм. Ургацын баярын зан заншил, ХТРТ-ийн ургацын баярын концертын үүх түүх, энэ оны концертын гол сэдэв зэрэг мэдээллийг нарийвчлан танилцуулахаар болжээ. Концертыг нэвтрүүлэн цацсан орой Олон улсын видео мэдээллийн агентлаг концертын хөтөлбөрийн талаар онцлох мэдээллийг хүргэж, хэсэгчилсэн хэлбэрээр олон улсын мэдээллийн хэрэгслүүдэд хангах болно. CCTV вебсайт, Facebook-гийн CCTV-гийн хятад хэлний хуудас, CCTV-гийн олон улсын хуудасны англи хэлний дансаар, мөн түүнчлэн YouTube-ийн CCTV-гийн сар шинийн концертын сувгаар Элбэг ургацын баярын концертыг шууд дамжуулах юм.
//www.solongonews.mn/ ШББХ Шиү Гуань, Шаов Тан, Танаа, Цэнгэл
DORNODMEDIA.MN