Зуны нар зулай дээрээс төөнөсөн нарлаг өдөр ахмад зохиолч Доржинсамбуу хүүгийнхээ хамт төрж өссөн төрөлх нутгийнхаа Шаваартай голын бага сургуульд зочилж, өөрийн туурвисан зохиол бүтээлийнхээ дээжээс хүүхэд багачуудад бэлэглэв. Тэрээр Улаанхад хотын баруун байран хошууны Намын хороонд ажиллаж байгаад гавьяаныхаа амралтад гарсан ахмад ажилтан, түүхч, зохиолч хүн юм. “Байраны буурал түүхийн жим”, “Одон орон хийгээд арван хоёр эрхтэний тухай сонирхолтой зоог”, “Байраны түүхийн эрхэн мөхлөг” номоо сурагч бүрт цүнхний хамт бэлэглэж, багш нар болон сургуулийн номын санд гардуулжээ. ӨМ-ын Зохиолчдын эвлэлийн гишүүн, 75 насны давааг туулж яваа Доржинсамбуу олон жилийн турш орон нутгийн түүх, соёлын ажилд идэвхийлэн зүтгэж, маш олон зохиол бүтээл туурвиж, түүх зан үйл болон хүүхдэд зориулсан зохиолын арваад ном хэвлүүлж олны хүртээл болгосон нэгэн. Номын цагаан буян дэлгэрэх болтугай.
Ардын сүлжээ, ШББХ Хасбагана, Танаа, Цэнгэл
DORNODMEDIA.MN