6-р сарын 1 бол олон улсын хүүхдийн эрхийг хамгаалах өдөр юм. Дэлхий дахинд биологийн олон талт байдлын талаарх ойлголтыг тайлбарлаж, олон олон хүүхдийг биологийн олон талт байдлыг хамгаалахад оролцуулах хүүхдийн баярын өвөрмөц үйл ажиллагаа Бээжинд зохиогдлоо. “Биологийн олон талт байдал, баян тансаг дэлхий” сэдэвт хүүхдийн баярын үйл ажиллагаанд НҮБ-ын биологийн олон талт байдлын конвенцыг үүсгэн байгуулагч талуудын 15-р чуулганы бэлтгэл ажлын комиссын тамгын газар удирдагч, Хятадын хүүхдийн төвийн гадаадтай солилцоо хийх төв зэрэг байгууллага оролцов. Мөн байгаль орчныг хамгаалах, боловсролын салбарын гадаад дотоодын зүтгэлтнүүд, хүүхдүүд хамтдаа баяраа тэмдэглэжээ. Англиас Хятадад суугаа элчин сайдын яамны элчийн зөвлөх Найш Долакия тус үйл ажиллагааны үеэр хэлэхдээ “Хүүхэд бол ирээдүйн эзэн. Хүүхдүүдэд биологийн олон талт байдлыг хамгаалах болон нүүрстөрөгчийн давхар исэл ялгаруулахыг багасгах ойлголт өгөх, мэдлэг түгээх нь ач холбогдолтой” гэжээ. Италиас Хятадад суугаа элчин сайдын яамны эдийн засаг худалдааны газрын дэд дарга Юджино Порти хэлэхдээ “Насанд хүрэгчид болон хүүхдүүд хүн байгалийн эе найртай зэрэгцэн орших зохицлыг ахиулж, дэлхийн амь насны хамтын хүчний цогц байгуулах ёстой” гэв.
mongol.cri.cn, ШББХ Хасбагана,Танаа, Цэнгэл
DORNODMEDIA.MN