Панда галт тэрэг энэ сарын 24-нд Чэндү өртөөнөөс Чэнкүн төмөр замаар Э Мэй өртөө рүү анхны аяллаа эхлүүллээ. Аялал жуулчлалын зориулалт бүхий Панда галт тэрэг нь тав тухтай унтлагын өрөө, аюулгүйн электрон цоож, Wi-Fi, хүссэн үедээ халуун усанд орох өрөө, шатрын өрөө, KTV, коктель ундааны газар, хоолны газартай. Панда галт тэрэг 12 тасалгаатай. Үүнд, тансаг зэрэглэлийнх нь зөөлөн ор бүхий хоёр тасалгаатайгаас гадна энгийн унтлагын ор бүхий таван тасалгаа, хоолны зориулалтын болон дуу хөгжмийн, амрах, ажлын гээд тус тус тасалгаатай. Мөн зочид хүлээн авах нийт 252 өрөөтэй. Галт тэрэгний дарга Ванлэйн танилцуулж буйгаар Одтой өндөр зэрэглэлийн хөдөлдөг буудал бүхий Панда галт тэрэг өдөр тутмын үйлчилгээнээс гадна, үйлчлүүлэгчдийн хүсэл шаардлагын дагуу одтой өндөр зэрэглэлийн буудлаар үйлчлүүлж буй хүмүүст тусгай зориулалтын үйлчилгээ үзүүлэх аж. Баг хамт олноороо аялж буй зорчигчид үдээс хойш цайллага, үдэшлэг цэнгүүн зохион байгуулах боломжтой юм байна.
solongonews.mn, ШББХ Хуньмэй, Хасбагана, Цэнгэл
DORNODMEDIA.MN