Шинэ барга баруун хошууны Хэрлэн сумын Буянтал гацааны ЧИҮЕЭН ЕИНЬ өлгий сайхан нутагтаа өнгөтэй өөдтэй амьдралын төлөө хөдөлмөрлөж явна. Тэрээр овсгоо самбаатай, шинийг санаачлагч хашир малчны нэг. Өнгөрсөн жил эднийх хонио өсгөх үржүүлэх шинэ арга сүвэгчилжээ. Энэ нь хонины тоо толгойг багасган, бэлчээр сэлгэн оторлосноор чанар сайтай Дү Хан үүлдрийн хонь үржүүлгийн аяныг эхлүүлсэн байна. Чиүеэн Еинигийнх 500 гаруй нутгийн хоньтой. Дү Хан хонь шинэ орчинд зохицохдоо сайн, өсөлт түргэн, ихэрлэдэг зэрэг олон давуу талтайг ЧИҮЕЭН ЕИНЬ сонсож Гирин мужид очиж судласан байна. Ингээд өнгөрсөн оны зунаас эхлэн 300 Дү Хан хонийг үржүүлж эхэлсэн гэв. Дү Хан хонь бие томтой, мах сайтай, жилд хоёр удаа олон тоогоор ихэрлэдэг. Хаврын төл 3-р сарын 8-наас эхэлдэг. Эднийд одоо 160 гаруй хургалах хонь байгаа ба хонин сүргийн тал хувь нь ихэрлэжээ. хамгийн олондоо нэг хониноос таван ихэр гарсан байна. ирэх 10 дугаар сард хоёр дахь удаагийн төл авах ба 300 гаруй хониноос жилд 1100 гаруй төл авахаар төлөвлөж байна. Чиүеэн Еинь өдөр бүр мэргэжилтэнтэй харилцан, Дү Хан хонийг хэрхэн маллах, гар хээлтүүлэг хийх зөвлөмж авч байна. Тэрээр цаашид хонины үүлдрийг улам сайжруулж үр ашгийг дээшлүүлэхээр ажиллаж байна.
Хөлөнбуйр өдрийн сонин, ШББХ Хуньмэй, Хасбагана, Цэнгэл
DORNODMEDIA.MN