Шинэ барга баруун хошууны Буйр сумын Мэнэн-тал гацаанаас малчин өрхүүдэд өвлийг өнтэй давахад нь дэмжлэг үзүүлж 300 мянган юанийн үнэ бүхий тэжээл, өвс өгчээ. Энэ жил тус гацааны 1 сая 370 мянган му гаруй малын бэлчээрт хулганы гамшиг хийгээд хур тунадас ихээр орж мал идэх өвсгүй болсон байна. Энэ нөхцөл байдлаас малчид хадлан тэжээлээ авч чадалгүй өвөлтэй золгосон. Тиймээс гацааны хамтын сангаас нийт 108 малчин өрхөд 112 тонн өвс тэжээлийн дэмжлэг үзүүлжээ. Мэнэн-тал гацаа хамтын аж ахуйгаа хөгжүүлж энэ жил нийтийн бэлчээрээ түрээслэн, тугал хурга борлуулж 600 мянган юаний орлого олжээ. Тэр орлогоосоо гацааныхаа малчдын өвөл хаврын малын тэжээлийн асуудлыг шийдвэрлэж, гацааны 20 мянган толгой малын онд мэнд оруулахад анхаарч буй нь энэ юм.
Хөлөнбуйр өдрийн сонин, ШББХ Хуньмэй, Хасбагана, Цэнгэл
DORNODMEDIA.MN