Өвлийн тэнгэр хүйтэн байсан ч Эвэнки хошууны Шинэхэн сургуулийн Монгол ёс уламжлалын танхимд онцгой дулаахан байв. Учир нь хоёрхон чавхдасаар хорвоог уяраах чадалтай морин хуур хөгжим бэлэглэхээр хүндэт зочид морилон саатжээ. Уг үйл ажиллагааг 1981 оны төгсөгчдөөс зохион байгуулж байгаа ба Эвэнки хошууны Шинэхэн зүүн сумын Мөнгөнчулуу гацааны Сэрэнвэндэг, Шинэхэн баруун сумын Тэмээнхүзүү гацааны Дармаа, Шинэхэн баруун сумын Баянхошуу гацааны Цолмон зэрэг Шинэхэн нутгийн 47 төгсөгч төрөлх сургуульдаа 9900 юанийн үнэ бүхий 12 ширхэг морин хуур хандивлав. Төгсөгчдийг төлөөлөн Сэрэнвэндэг: “ бидний хэдэн төгсөгчид Шинэхэн нутгийн ирээдүй болсон хүүхдүүддээ үндэсний өв уламжлалаа өвлүүлэхийг эрхэм болгож сурч боловсорч байсан сургуулийнхаа сурган хүмүүжүүлэх үйл ажиллагаанд дэмжлэг үзүүллээ. Хүүхэд багачууд хичээнгүйлэн суралцаж Монгол гэдэг нэрийг дэлхийд дуурсгах суу билэгтэй авъяасыг эзэмших болтугай”гэж ерөөлөө. Сургуулийн удирдлагаас 1981 оны төгсөгчдөд баярласан сэтгэлийн илэрхийлэл болгон төгсөгчдийн нэрийг уран бичгээр бичиж дурсгал болгон гардуулав.
Хөлөнбуйр өдрийн сонин, ШББХ Хасбагана, Хуньмэй, Цэнгэл
DORNODMEDIA.MN