Нэгэн авьяастай хүү өөрийн гараар онгоц бүтээж сургуульдаа бэлэглэсэн тухай сонсоод ярилцлага авахаар очсон юм. Та бүхэнд хүүгийн ярилцлагыг хүргэе.
- Сайн байна уу? Орчин өөрийгөө танилцуулана уу?
- Сурвалжлагч эгч сайн байна уу? Намайг Орчин гэдэг. Би Эвэнки хошууны Нэгдүгээр туршилтын бага сургуулийн 3-ын 4 -т сурдаг.
- Миний дүү нэг онгоц хийж сургуульдаа бэлэглэсэн юм уу?
- Би ном унших дуртай, ээж минь надад олон төрлийн ном авч өгдөг. Шинжлэх ухааны номнуудыг сонирхон уншдаг. Би бас LEGO тоглоомд дуртай, LEGO тоглоом тоглож эхэлснээс хойш тоглоомоороо нэг юм бүтээе гэж бодсон. Тэгээд аав ээжтэйгээ том онгоц хийсэн. Энэ онгоц маш хол нисдэг. Онгоцон дотроо жижиг машин угсарсан. Үүнийг зохиохын тулд олон ном уншсан. Ямар материалаар яаж хийх вэ гэж их бодсон. Яг долоо хоног зарцуулсан. Би сургуульдаа хайртай сэтгэлээ илэрхийлж анхны бүтээл болох онгоцоо сургуульдаа бэлэглэсэн.
- Мундаг юм аа. Чи шинэ санаа, бүтээлийн уралдаанд оролцож байсан уу?
- Оролцож байсан. Өнгөрсөн жил Манжуур хотод болсон Хөлөн-буйр хотын долоодугаар удаагийн залуучууд багачуудын шинэ санаа бүтээлийн уралдаанд багшийнхаа хамт жолоодлоготой, тийрэлтэд сум зохион бүтээж оролцсон. Тавдугаар байрт орсон. Уралдаанд оролцогчдоос насаар хамгийн бага нь байсан болохоор тавдугаар байр эзэлсэндээ баяртай байгаа.
- Чамд баяр хүргэж, амжилт хүсье. Шинэ санаа гаргаж техник зохион бүтээхээс өөр юу сонирхдог вэ? Мөрөөдлөө бидэнтэй хуваалцаач?
- Шатар тоглох дуртай, бас зурагт ном үзэх дуртай. Би олон мөрөөдөлтэй. Ирээдүйд шатрын спортын тамирчин, шинжлэх ухаантан болно.
- Ярилцсанд баярлалаа. Мөрөөдөл нь биелэх болтугай.
Хөлөнбуйр өдрийн сонин, ШББХ Хуньмэй, Хасбагана, Цэнгэл, Го. Халиуна
DORNODMEDIA.MN