“Мэдлэгээ шалгая” тоглоомын өнгөрсөн сарын ялагчаар Дорнодын залуу тодорлоо

Үндэсний статистикийн хорооны 1212.mn гар утасны апликейшны \"Мэдлэгээ шалгая\" тоглоомын өнгөрсөн сарын ялагчаар Дорнод аймгийн Засаг даргын дэргэдэх Статистикийн хэлтсийн мэргэжилтэн Т.Батболд тодорчээ.

Өнгөрсөн оны 8 дугаар сарын 1-нээс Үндэсний статистикийн хорооноос тоон болон цаг үеийн мэдээлэл багтаасан “1212.mn” аппликейшныг хэрэглэгчдэд хүргэсэн юм. Аппликэйшнийг татаж авснаар www.1212.mn сайт руу хандахаас гадна хэрэгцээт үзүүлэлтээ хүснэгт, график, газрын зураг зэргээс сонголт хийж дуртай хэлбэрээр хүлээн авах, ҮСХ-ны үйл ажиллагаатай холбоотой шинэ мэдээ мэдээллийг цаг алдалгүй харах, долоо хоногийн үнийн мэдээ болон сар тутам гардаг эмхэтгэлийг pdf хэлбэрээр хүлээн авах, статистикийн “Номын сан”-г үнэ төлбөргүй хэрэглэх зэрэг  олон талын мэдээллийг нэг дороос авах зэрэг давуу талтай.  

Эдгээр болон бусад мэдээллийг авахаас гадна аппликейшны “Мэдлэгээ шалгая тоглоом”-ын ялагч болж Монгол Улсын Үндэсний статистикийн хорооны гарын бэлгээр сар бүр шагнуулах боломжтой.