Анхан шатны намын зохион байгуулалтын ажлыг идэвхжүүлэн халдварт өвчнөөс урьдчилан сэргийлэх ажилд намын гишүүд гар бие оролцож байна. Намын гишүүд малчдын эрүүл мэндийн төлөө санаачлагатай ажиллаж Хуучин барга хошууны Шигдэн гацааны Намын үүр, гацааны зөвлөл цагаан сарын шинийн гуравнаас эхлэн коронавирусээс урьдчилан сэргийлэх ажлыг хийж байна. Шигдэн гацааныхан коронавирусээс урьдчилан сэргийлэхийн тулд намын зөвлөлийн гишүүд, залуу гишүүд, сайн дурын гишүүдийн хамт ажлын хоёр хэсэг байгуулан ажиллаж байна. Ажлын хэсгийнхэн өрх, хүн амын бүртгэл хийж, гацаанд нэвтрэх хоёр гол замын уулзварт хяналтын цэг байгуулан зорчих хөдөлгөөнд оролцож буй тээврийн хэрэгслийн бүртгэл хийн, малчдад коронавирусээс урьдчилан сэргийлэх зөвлөмж тараалаа. Мөн намын гишүүдэд шинжлэх ухаанчаар өвчнөөс сэргийлэх мэдлэг олгож байна. Гацааны удирдлага нар хүнд бэрхшээлтэй мөчийг хамтдаа туулахаар хашралгүй зүтгэж байгаа малчдад урам зориг өгч, төл тосох ажилд гацааны залуучуудыг томилон туслуулж байгаа юм. Түүнчлэн өдөр тутмын амьдралд хэрэгтэй ариутгалын бодисоор хангаж байна.
DORNODMEDIA.MN