Малчин залуу Гиннесийн номонд бүртгэгдэв

    Өвөр монголын Алшаа аймгийн Алшаа баруун хошууны Алтанцог сумын малчин залуу Гончигсүрэн элсэн цөлийн “Эверест” гэгддэг дэлхийн хамгийн өндөр элс болох Алшаа баруун хошууны Бадайн жаран цөлийн Билүүтийн оройг мотоциклоор 2 минут 11 секундэд туулж Гиннесийн амжилтыг шинэчлэв. Гончигсүрэн 1995 онд төрсөн. Багын л мотоцикл унах дуртай нэгэн байжээ. Тэрээр энэ сонирхолоо орхилгүй энэ сарын 26-нд Гиннесийн амжилтын эзэн боллоо. Тэрээр Хятад улсын хэмжээн дэх мотоциклын АШТ-д дөрөвт, ӨМӨЗО-ы хэмжээний тэмцээнд 22 удаа түрүүлж, 19 удаа дэд байранд шалгарч байсан. Одоо Сычуань мужийн мотоциклын ангийн тамирчин юм. Алшаа баруун хошууны малчин Тао Юнмин 2009 оны 9 дүгээр сарын 23-нд Билүүтийн оройд 6 минут 2 секундэд мотоциклоор гарч, энэхүү амжилтыг Гиннесийн номд бүртгүүлж байв. Энэ удаа Гончигсүрэн Тао Юнмингээс 3 минут 51 секундээр илүүрхэж, арван жилийн дараа Гиннесийн амжилтыг шинэчлэн тогтоолоо.                                                                                                   
                                                    Шинхуа нэт, Хуньмэй, Хасбагана, Цэнгэл