“Хөрш орны дууг хэн сайн дуулах вэ?”дууны уралдааны шагналт байрууд тодорлоо

БНХАУ байгуулагдсаны 70 жилийн ой, Хятад, Монгол хоёр улсын гадаад харилцаа тогтсоны 70 жилийн ойг тохиолдуулан БНХАУ-ын ӨМӨЗО-ны Хөлөнбуйр аймаг Шинэ барга баруун хошуу Дорнод аймгийн ЗДТГ хамтран “Хөрш орны дууг хэн сайн дуулах вэ?” Хятад дууны уралдааныг зохион байгуулсан. Дууны уралдааны хоёрдугаар шат зургадугаар сарын 25-ны өдөр ӨМӨЗО-ны Хөлөнбуйр аймаг Шинэ барга баруун хошуунд явагдаж шагналаа гардууллаа. “Хөрш орны дууг хэн сайн дуулах вэ?” Хятад дууны уралдааны насанд хүрэгчдийн ангилалд нэгдүгээр байрыг Ж.Цогдэлгэр, хоёрдугаар байрыг А.Содбилэг, гуравдугаар байрыг Б.Батзаяа, хүүхдийн ангилалд нэгдүгээр байрт Э.Чинхүслэн, хоёрдугаар байрт Сүхбаатар аймгийн “Мелоди” хамтлаг, гуравдугаар байрт М. Төрмандах нар шалгарч өргөмжлөл мөнгөн шагналын эзэд боллоо.