АЗИЙН АРДЫН УРЛАГИЙН ИХ НААДМААС ДОРНОДЫНХОН GRANPRI ШАГНАЛ ХҮРТЛЭЭ

Aзийн 20 орчим улс, 2000 гаруй авьяастнууд оролцсон “Aзийн ардын урлагийн их наадам” Улаанбаатар хотноо болж өнгөрлөө. Mонгол улсын Eрөнхий сайдын ивээл дор зохион байгуулагдсан тус наадам ардын дуу, ардын бүжиг, ардын хөгжим, язгуур урлагийн чуулга, зан үйлийн чуулга гэсэн 5 төрлөөр явагдсан юм. Наадамд Ч. Гантулга багштай бүжигчид бүжгийн төрөлд 2- р байр, Б. Гэрэлмаа, Б. Дөлгөөн ахлагчтай үндэсний хөгжмийн хамтлаг aрдын хөгжмийн төрөлд 1-р байр эзэлжээ. “ASIA FOLK 2019” Азийн ардын урлагийн их наадмын үндэсний шилдгүүдээр тодорч үндэсний хөгжмийн хамтлаг шилдгийн шилдэг GRANPRI шагналын эзэд болсон байна.