“Азнай хундагт” хүүхдийн дэлхийн шатрын тэмцээн боллоо

Энэ сарын 20,21-ний өдөр Монгол үндэсний дээлээрээ гоёсон хөөрхөн хүүхдүүд Хайлар тойргийн хотод “Их халуун рашаан” зочид буудлын таван давхрын хурлын танхимд цугларлаа. Энэ хүүхдүүд Хөлөнбуйр хотын тавдахь удаагийн “Азнай хундагт” хүүхдийн дэлхийн шатрын аварга шалгаруулах тэмцээнд оюун ухаанаа уралдуулахаар ирж буй нь энэ юм.

Тэмцээнд Монгол улсын Дорнод аймгийн Чойбалсан хот, ӨМӨЗО-ны Хайлар тойрог, Хуучин барга хошуу, Шинэ барга зүүн хошуу, Шинэ барга баруун хошуу, Эвэнки үндэстний өөртөө засах хошуу, Туньлё хот зэрэг газруудаас зуу гаруй хүүхдүүд хүрэлцэн ирж, 6 нас, 8 нас 10 нас, 12 нас, 14 нас гэх таван ангилалд нийт 7 нугалаагаар өрсөлдлөө.

Уралдааны үр дүнд 6 насны ангилалд Монгол улсын тамирчин Мөнхтэнгэр, 8 насны ангилалд Монгол улсын тамирчин Уянгалангоо, 10 насны ангилалд Хуучин барга хошууны “Хас” шатрын клубын Асган, 12 насны ангилалд Хуучин барга хошууны “Хас” шатрын Асган, 14 насны ангилалд Монгол улсын шатарчин Урангоо нар тэргүүн байр эзлэв. Тэмцээний эхний наймд шалгарсан хүүхдүүдэд медал, үнэмлэх, мөнгөн шагнал гардуулж, уралдаанд оролцсон хүүхэд болгонд дурсгалын зүйл гардууллаа. Мөн шилдэг хамт олон, шилдэг зохион байгуулттай баг, шилдэг багш хүмүүжүүлэгчийг шалгаруулан шагнасан юм.

Тус тэмцээнийг зохион байгуулж буй “Азнай” дэлхийн шатрын клуб нь 2015 оны хоёрдугаар сарын нэгний өдөр байгуулагдаж, байгуулагдсан цагаас эхлэн жил бүр “Азнай хундагт” хүүхдийн дэлхийн шатрын тэмцээнийг зохион байгуулж ирсэн. Тэмцээний үеэр Хөлөнбуйр хотын “Азнай” дэлхийн шатрын клубын эрхлэгч Дондогжамц: “Шатар бол хүмүүжил, шатар бол соёл, шатар бол оюун ухаан хэв чанарыг хүмүүжүүлэхэд дээд зэргийн ач тустай” гэж хэлсэн юм. Монгол улсын Дорнод аймгийн Чойбалсан хотоос оролцож буй хүүхдүүд бэлтгэл сайн байсан учир бүгд байр эзэлсэн гэж онцолж байв. Тус удааны уралдааныг ӨМ-ын дэлхийн шатрын нийгэмлэг, Эвэнки хошууны Соёл тамир жуулчлал, Радио телевиз товчоо, Эвэнки хошууны Спортын ерөнхий зөвлөл, Эвэнки хошууны ажлын чөлөөний спортын сургуулиас дэмжлэг үзүүлж, Эвэнки хошууны Дэлхийн шатрын нийгэмлэг, “Азнай” дэлхийн шатрын клубээс зохион байгуулсан юм.

                                                  Хөлөнбуйр өдрийн сонин, Хуньмэй, Хасбагана, Цэнгэл, Урьхан