“Тал нутгийн дөрвөн өнгө” гэрэл зургийн уралдаан зарлав

Манай аймаг энэ оныг “Аялал жуулчлалыг дэмжих жил” болгон зарласан. Зорилтот жилийн хүрээнд тал нутгийн байгалийн өнгө, үзэмжийг гадаад дотоодын жуулчдад сурталчлах, аялал жуулчлалын үзмэр үйлчилгээг олон нийтэд таниулахаар хэд хэдэн ажил төлөвлөөд байгаагийн нэг нь “Тал нутгийн Дөрвөн өнгө” гэрэл зургийн уралдаан юм. Уралдаанд оролцогч 10-аас илүүгүй зураг илгээж, зураг тус бүр дээр нэр тайлбарыг товч тодорхой бичих, хүний царай төрх орсон бол тухайн хүнд мэдэгдэж зөвшөөрөл авсан байх шаардлагатай байна.

Гэрэл зургийг оны төгсгөлд 11 дүгээр сарын 20-ны өдрөөс 30-ны өдрийг хүртэл аймгийн Байгаль орчин, аялал жуулчлалын газарт хүлээн авах юм. Тэргүүн байр 1 сая төгрөгийн шагналтай бол удаах байр 400 мянган төгрөг, тусгай байр 200 мянган төгрөгийн шагналтай аж.