![\"\"](\"http://cdn.eagle.mn/cache/images/f/a/9/a/b/fa9abaf55e519801cb9f6b8127c8b134874d9f85.jpg\")
Шинэ жилийн баярын өдрүүдэд Дорнод аймгийн Цагдаагийн газарт 75 дуудлага мэдээлэл бүртгэгджээ. 12 дугаар сарын 28-наас 1 дүгээр сарын 1-ний өдрүүдэд бүртгэгдсэн 75 дуудлага мэдээллийн 56 нь зөрчлийн шинжтэй, гэмт хэргийн шинжтэй 9 хэрэг байна. Захиргааны шинжтэй 56 дуудлага мэдээллийн 21 нь бусдын амгалан тайван байдлыг алдагдуулсан хэрэг зөрчил байв. Эдгээр хэрэг зөрчлийг өнгөрсөн оны мөн үеийнхтэй харьцуулбал 1 дуудлага, мэдээллээр буурсан үзүүлэлттэй байна гэж аймгийн Цагдаагийн газраас мэдээллээ. Мөн баярын өдрүүдэд зам тээврийн осол 1, малын хулгай 2, иргэдийн өмчид халдсан хэрэг 4 бүртгэгдэж, 60 гаруй хүнийг эрүүлжүүлсэн байна. Харин хүний амь нас эрсэдсэн ноцтой хэрэг зөрчил гараагүй байна.
DORNODMEDIA.MN