Хайлаарын нэгдүгээр дунд сургууль байгуулагдсны 95 жилийн ой

Хайлаарын Нэгдүгээр дунд сургууль байгуулагдсан 95 жилийн ой энэ онд тохиож байна. Ойн хүрээнд тус сургуулийнхан сар гаруйн хугацаанд тайлан тоглолт тавьж буй юм. Уг тайлан тоглолтын хаалтад “Эргүна гүн хундагат” үндэсний дуу бүжгийн шилдгүүд тоглолтоо сонирхуулжээ. Энэ үеэр тус сургууль “Шилдэг сурган хүмүүжүүлэгч”, “Тэргүүний ажилтан”, “Шилдэг зохион байгуулагч”, “Шилдэг анги бүлэг”-ийг шалгаруулан урамшуулав.


Сургуулийн сурагчдын дунд шилдэг хөтлөгч шалгаруулах тэмцээн, шатар, уран бичлэгийн уралдаан, дуу бүжгийн тэмцээн, Монгол түүх соёл, сургуулийн түүх соёлын тухай мэдлэг шалгах сорилго тэмцээнүүд, мэтгэлцээн зохион байгуулж, залуу сурган хүмүүжүүлэгч нарын дунд шилдэг дуучин шалгаруулж, нийтийн бүжгийн тэмцээн зохиожээ.

Баярт, Цэнгэл, Саруул, Хэрлэн