“1000 инженер” хөтөлбөрт 29 хүүхэд тэнцжээ

Инженер, технологийн “1000 инженер” бэлтгэх хөтөлбөрт манай аймгаас 84 хүүхэд бүртгүүлсний 29 нь тэнцээд байна. Дөрөв дэх жилдээ хэрэгжиж буй уг хөтөлбөрийн урьдчилсан шатны шалгалт өнгөрсөн сарын 28-ны өдөр аймгийн БСУГ-т болсон.

Энэ жилийн хувьд шалгуулагчдын гүйцэтгэл өмнөх жилүүдийнхээс харьцангуй сайн байсан гэж БСУГ-аас мэдээллээ. Шалгуулагчдын 34.5 хувь нь тэнцсэн нь өмнөх жилүүдийнхээс 10 гаруй хувиар өссөн үзүүлэлт аж. Тус шалгалтад тэнцсэн сурагчид ШУТИС-д хоёр жил суралцаад, дахин шалгалт өгч тэнцвэл Японы их дээд сургуульд суралцан хос дипломтой төгсөх юм.

БСШУСЯ-аас Японы ЭСЯ, “Жайка” олон улсын хамтын ажиллагааны байгууллагатай хамтран хэрэгжүүлж байгаа уг төсөл бакалаврын төвшний элсэгчдээ энэ оноос Япон улс руу илгээх юм. 

Э.ОТГОНТУЯА