Хөлөнбуйр хотын хөгжил цэцэглэл, бүтээн байгуулалт, аялал жуулчлалын бренд бүхий газруудыг танилцуулдаг “Хэрлэн” сэтгүүлийн шинэ дугаар уншигчдын гар дээр ирлээ.
Хөлөнбуйр хот, Шинэ барга баруун хошууны Утга урлагийн холбоо, тус хошууны Дорнод аймагт суугаа төлөөлөгчийн газраас “Дорнод “медиа групптэй хамтран эрхэлсэн “Дорнод зон” сэтгүүлийн тусгай дугаар “Хэрлэн” сэтгүүлийн хоёрдахь дугаар 1000 ширхэг хэвлэгдэн иржээ.
“Хэрлэн” сэтгүүлийг Хөлөнбуйр хотын Ухуулах хэлтэс, Шинэ барга баруун хошууны Ухуулах хэлтэс хамтран санаачилж, хөрш зэргэлдээ улсын ард иргэдэд Хөлөнбуйр хотын хөгжил дэвшил, бүтээн байгуулалтыг танилцуулж, тус хотын иргэдийн аж амьдралын тухай сонирхолтой бичвэрүүдийг гэрэл зургийн хамтаар баримтжуулан хүргэхийг зорьжээ. Тус сэтгүүл нь хоёр улсын иргэдийг мэдээллээр хангаж, хамтын ажиллагааг өргөжүүлж, найрамдалт харилцааг улам бататгана гэдэгт сэтгүүлийг эрхлэн гаргасан баг хамт болон үзэж байгаа юм.
Баярт, Саруул, Хэрлэн Цэнгэл