“Сэтгүүл зүйн инновац, хөгжлийн үүр төв” /СЗИХҮТ/ НҮТББ-ын дэргэдэх “Монголын баримт шалгах төв” нь НҮБ-ын “Мэдээлэл харилцаа холбооны хөгжлийн хөтөлбөр”-ийн хүрээнд “Мэдээллийн гажуудлыг даван туулах нь: Редакцуудад зориулсан баримт шалгах сургалт”-ыг зохион байгуулж байгаа юм.
Сургалтад хамрагдсан редакциудын төлөөлөл дээрх сургалтын агуулгаар орон нутгийн хэвлэл мэдээллийн байгууллагуудад мэдээллийг шалгах, баримтаар баталгаажуулах арга зүй, хэрэглүүрүүдэд суралцах, нийгмийн сүлжээний хуудас болон бусад төрлийн хуурамч мэдээллийг хэрхэн шалгах, баталгаажуулах талаар мэдлэг хуваалцав.
Аль ч салбарын мэргэжилтнүүд өсөн дэвжиж хөгжих эрмэлзлэлтэй байдаг ба сэтгүүлчид энэхүү сургалтад сууж мэргэжлийн ур чадвараа дээшлүүлж байгаадаа баяртай байв.
Орон нутгийн сэтгүүлчид хот газрыг зорихгүй, ажиллаж амьдарч байгаа газартаа цаг хугацаа хөрөнгө мөнгө хэмнэн өөрсдийгөө чадавхижуулах сургалт авна гэдэг олзуурхууштай гэж байв.
“ХУУРАМЧ МЭДЭЭЛЭЛД ӨРТӨХ, ТҮГЭЭХЭЭС ХАМТДАА СЭРГИЙЛЬЕ”
DORNODMEDIA.MN