4-р сарын 27-ны өдөр ӨМӨЗО-ны "Үндэстний бодлогыг сурталчлах сар", "Үндэстний хуулийг сурталчлах долоо хоног"-ийн нээлтийн ёслолд Хөлөнбуйрын Таван тансаг хүүхдийн найрал дууны дуучин хүүхдүүд маань дуугаа дуулж баяр хүргэв. 8-р сарын 16-нд "Хятад хүүхдийн дуу хоолой" үндэсний найрал дууны тоглолт Жиянь Сүд болж, энэ тоглолтод Таван тансаг хүүхдийн найрал дууны дуучид ӨМӨЗО-ныг төлөөлөн оролцож, улс даяар залуучуудын найрал дуучидтай хамтран дуулж, цаг үеийн шинэ хэв маягаар дуулжээ.
Хөлөнбуйрын Таван тансаг хүүхдийн найрал дууны бүлгэм нь 2006 оны 12-р сард байгуулагдаж, найрал дууны бүрэлдэхүүнд анх Монгол, Орчон, Эвэнки, Дагуур үндэстний хүүхдүүд багтсан бөгөөд хамгийн том нь 13 настай, хамгийн бага нь дөнгөж 5 настай. Тэдний дуулсан дуу нь Хөлөнбуйрын үеэс үед уламжлагдан ирсэн хүүхдийн дуу, ардын дуу юм. Байгуулагдсан цагаасаа хойш найрал дууны бүлгэм нь Бээжин,
Шанхай, Хонг Конг, Тайвань зэрэг хот, бүс нутгуудад олон үндэсний чухал сэдэвт уран сайхны тоглолтуудад оролцож, АНУ, Орос, Монгол зэрэг олон улсын тайзнаа тоглолтоо сонирхуулж, цэвэр тунгалаг дуугаар эх орон, төрсөн нутгаа хайрлах сэтгэлийг илэрхийлсэн байна.
2023 оны 9-р сард Таван тансаг хүүхдийн найрал дууны бүлгэм нь Хятад, Монгол, Эвэнки, Дагуур, Хотон болон бусад үндэстэн зэрэг 30 шинэ гишүүнийг олон нийтийн дундаас нээлттэйгээр элсэн авчээ.
Энэ оны 2-р сард Хөлөнбуйр хотод болсон Өвлийн 14 дэх удаагийн спортын наадмын нээлтэд Таван тансаг хүүхдийн найрал дууны уран бүтээлчид гайхалтай тоглолт үзүүлсэн.
Таван тансаг хүүхдийн найрал дууны бүлгэм нь Хөлөнбуйр хотын соёлын нэрт төлөөлөл болж, “Умард хилийн соёл” брэндийн нэгэн болж хувь нэмрээ оруулсан юм.
Эх сурвалж: Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл
DORNODMEDIA.MN