Парисын олимпийн хөнгөн атлетикийн тэмцээн Стад де Франс цэнгэлдэхэд эхний өдрөө түүхэн ач холбогдолтойгоор угтан авлаа, энэ нь юу вэ гэвэл Хятадын төв радио телевизийн үйлдвэрлэсэн олон улсын 8К олон нийтийн дохиог албан ёсоор ашиглаж, Хятадын хэрэглэгчид Олимпийн наадмыг 8К-аар үзэх болсон явдал юм, энэ нь Хятадын хэвлэл мэдээллийн хэрэгсэл олон улсын өргөн нэвтрүүлгийн салбарт чухал алхам хийснийг харуулж байна.
Бээжингийн цагаар 8-р сарын 2-ны өдрийн 23 цаг 55 минутад, уралдааны алхалтын тэмцээний шагнал гардуулах ёслол дээр төрийн дуулал эгшиглэх үед ХТРТ-ийн бүтээсэн "China Red" хэмээх 8К хэт өндөр нягтралтай өргөн нэвтрүүлгийн машин 8К тод дохиог дамжуулав. Энэ нь Хятадын хэвлэл мэдээллийн хэрэгслүүд зуны Олимпийн наадамд зориулан олон улсын 8К олон нийтийн дохиог анх удаа гаргаж байгаа бөгөөд мөн зуны Олимпийн наадмын түүхэнд анх удаа 8К дохиог үйлдвэрлэх, дамжуулахад ашигласан явдал учир, ер бусын ач холбогдолтой юм.
Энэ удаад "China Red" 8K хэт өндөр нягтралтай өргөн нэвтрүүлгийн машиныг амжилттай ашиглаж байгаа нь Хятад улс хэт өндөр нягтралтай видео технологийн салбарт хүч чадлаа харуулсан төдийгүй дэлхийн спортын өргөн нэвтрүүлгийн салбарт Хятадын нөлөөг нэмэгдүүлсэн байна.
Эх сурвалж: https://mongol.cri.cn , Хөлөнбуйр хотын Хам зуучлуурын төвийн Содбилэг, Бүрэнбаяр, Гялбаа, Цэнгэл
DORNODMEDIA.MN